Իրավիճակը իրաքյան Էլ Կաիմ քաղաքի շուրջ, որտեղ օդային հարվածից զոհվել են՝ որոշ տեղեկություններով խաղաղ բնակիչներ, մեկ ուրիշ տվյալներով՝ ահաբեկիչներ, հարցեր է առաջացնում։ Այս մասին դեկտեմբերի 8-ին լրագրողների հետ զրույցի ժամանակ հայտնել է Ռուսաստանի արտգործնախարար Սերգեյ Լավրովը։
Նա ուշադրություն է հրավիրել օդային հարվածից զոհվածների մասին տարբեր տեղեկություններին, այդ թվում այն տեղեկությանը, որ քաղաքացիական ենթակառուցվածքի օբյեկտներից ահաբեկիչներին էին օգտվում։ «Պետք է պարզաբանել այս իրավիճակը, քանի որ դա կարող է ճշմարտանման լինել»,- ասել է Լավրովը, փոխանցում է «ՌԻԱ Նովոստին»։
Նրա խոսքով քաղաքացիական օբյեկտների, այդ թվում հիվանդանոցների զավթումը ու հետագա գործածումը որպես շտաբներ նման է «Ջեբհաթ ան Նուսրայի» եւ մյուս խմբավորումների զինյալների մարտավարությանը։
Լավրովը շեշտել է, որ ահաբեկիչների դեմ գործողությունները պետք է ձեռնարկվեն միջազգային իրավունքին համապատասխան, իսկ խաղաղ բնակչության համար հնարավոր բացասական հետեւանքներից պետք է խուսափել։