Ստամբուլի ոստիկանությունը հրահանգել է բոլոր բաժանմունքներին հրաժարվել օգտագործել «Յավուզ Սուլթան» եւ «Օսմանգազի» կամուրջները։
Թուրքական Milliyet–ի փոխանցմամբ՝ Ստամբուլի ոստիկանությունը տարածքային բաժանմուքններ ուղարկած հայտարարության մեջ նշել է, թե ծառայողական մեքենաները պետք է հրաժարվեն օգտագործել «Յավուզ Սուլթան» եւ «Օսմանգազի» կամուրջները՝ օգտագործելով այլընտանքային ճանապարհներ։
Նման որոշումը պայմանավորված է այն փաստով, որ կամուրջները կառուցած ընկերությունը նաեւ ոստիկանության մեքենաներից է պահանջել վճարել կամուրջն անցնելու վճարը։
