Չինացի հնագետները Չժենչժոու քաղաքի տարածքում գտել են հազվագյուտ գեղանկարներով մի հին դամբարան,որը պատկանում է Մին կայսերական տոհմի ժամանակաշրջանին (1368-1644 թթ), հայտնում է ՏԱՍՍ-ը։
«Սինհուա» գործակալության փոխանցմամբ, գտածոյի ուսումնասիրությամբ զբաղվում են Խենանի գիտահետազոտական ինստիտուտի մասնագետները։
«Սա Մին կայսերական տան անդամի առաջին հայտնաբերված դամբարանն է, որի պատին գեղանկարներ կան։ Այս գծատոյի նշանակությունը շատ մեծ է»,- մեջբերում է գործակալությունը հետազոտական կազմակերպության ներկայացուցչին։
Գիտնականների խոսքով, դամբարանի ճշգրիտ տարիքը կազմում է 531 տարի։ Դրա պատերը նկարազարդված են գունանկարներով, որոնք լավ են պահպանվել։
Մին տոհմի կառավարման տարիներին Չինաստանում սրընթաց զարգացել է գյուղատնտեսությունը, երկաթի, տեքստիլի ու ֆոսֆորի արտադրությունը։ Այդ դարաշրջանի զորահրամանատար Չժեն Խեն (1371-1435) եղել է Խաղաղ օվկիանոսի հարավային մասում, Հնդկական օվկիանոսում, Պարսից ծոցում, Արեւելյան Աֆրիկայի ափերի մոտ։ Չինաստանում համարում են, որ հենց նա է Կոլումբոսից 70 տարի առաջ բացահայտել Ամերիկան։ Մին տոհմի օրոք առեւտրային ուղիների զարգացմանը զուգահեռ սրընթաց զարգանում էր առեւտուրը, ինչին նպաստում էր հարկերի նվազումը։
