Բրիտանիայի մասնավոր դպրոցները պատրաստվում են 10 հազար անվճար տեղ հատկացնել եկամտի ցածր մակարդակ ունեցող ընտանիքների երեխաների ուսուցման համար: Այս մասին հայտնում է BBC-ի ռուսական ծառայությունը:
Անկախ դպրոցների խորհուրդը հայտարարել է, որ եթե կառավարությունը յուրաքանչյուր սովորողի համար 5500 ֆունտ վճարի, դպրոցները մնացած ծախսերն իրենք կստանձնեն: Նորամուծությունը կարող է արժենալ մինչեւ 80 մլն ֆունտ:
Խոսքը տարրական եւ միջնակարգ դպրոցների սովորողների մասին է: Նախագիծը գործարկելու համար անհրաժեշտ է կառավարության հավանությունը: