Սմարթֆոնների համար առաջին Nintendo խաղ ը՝ Super Mario Run-ը, աշխատելու է ինտերնետին մշտական միացումով։ Այս մասին խաղի դիզայներ Սիգեր Միյամոտոն է պատմել Mashable–ին տված հարցազրույցում, հայտնում է «Մեդուզան»։

Նա պարզաբանել է, որ մշակողներն այդ ձեւով մտադիր են պայքարել խաղի ծովահենային տարբերակների դեմ։ Ընդ որում մշտական միացումը կսինխրոնացնի խաղի երեք տարբեր ռեժիմները՝ World Tour (հիմնական), Toad Rally (հետապնդման մրցավազք) Mushroom Kingdom (սեփական մակարդակների ստեղծում)։