Սան Ֆրանցիսկոյի ոստիկանության բաժանմունքը հրապարակել է մի տեսագրություն, որում անհայտ անձինք ընդամենը 15 վայրկյանում կողոպտում են Apple Store –ը, հայտնում է Life.ru–ն։
Տեսահոլովակը Imgur ծառայությունում հրապարակվելուց հետո սրընթաց տարածվել է ու մեկ օրում արդեն 1․1 մլն դիտում է ունեցել։
Կողոպուտը տեղի է ունեցել նոյեմբերի 29-ին, տեղական ժամանակով 18։20-ին, Սան Ֆրանցիսկոյի Apple Store –երից մեկում։ Չորս անհայտ անձինք ներխուժել են խանութ ու դռանն ամենամոտ գտնվող վաճառասեղանների վրայից մի քանի ապրանք գողացել։ Ամբողջ գործողությունը տեւել է ընդամենը 15 վայրկյան։
Business Insider-ը հայտնում է, որ նման մի միջադեպ էլ տեղի էր ունեցել չորս օր առաջ ՝նոյեմբերի 25-ին, տեղական ժամանակով 17։40-ին։ Այն ժամանակ էլ երեք գողեր այդ նույն խանութն էին թալանել։