Արարատի մարզի Դալար գյուղում ռելսերի վրա ինքնասպան եղած 26-ամյա Արայիկ Ա.-ի մոտ վերջին մի քանի ամսվա ընթացքում տարօրինակ վարքագիծ են նկատել: NEWS.am-ի հետ զրույցում Դալարի բնակիչներից մեկը պատմեց, որ Արայիկը իր ծանոթներից մեկին պատմել է, որ իրեն ինչ-որ ուժեր են անհանգստացնում, իրեն հանգիստ չեն թողնում. «Ավելի վաղ նա հոգեկան խնդիրներ է ունեցել, դեպքից մի 25 օր առաջ իր ծանոթին պատմել է, որ ինչ-որ ուժեր են իրեն անհանգստացնում եւ ինքը չի կարողանում հաղթել նրանց»:
Արայիկ. Ա-ի մայրը տարիներ առաջ է մահացել, նա ապրում էր հոր եւ եղբայրների հետ: 26-ամյա երիտասարդը Դալարում գեղեցության սրահ է ունեցել եւ աշխատել որպես վարսահարդար:
Ավելի վաղ NEWS.am-ը տեղեկացրել էր, որ Դալար գյուղով անցնող երկաթգծի ուղեփակոցի մոտ այսօր՝ դեկտեմբերի 9-ին, վաղ առավոտյան հայտնաբերվել է երիտասարդ տղամարդու դի՝ գլուխը պոկված։
Ավելի ուշ պարզվել է՝ նա Դալար գյուղի 26-ամյա բնակիչն է, անունը՝ Արայիկ։ Ըստ գյուղում տարածված տեղեկությունների՝ երիտասարդը երեկ գիշեր ինքնասպանություն է գործել երկաթգծի ռելսերի վրա։ Թե ինչ հանգամանքներում է մահացել երիտասարդը, կպարզվի քննության ընթացքում։
Տեղի ունեցած դեպքը NEWS.am-ի հետ զրույցում հաստատել են ոստիկանության լրատվական ծառայությունից, մանրամասներ չեն նշել։ Նշել են, որ հարուցվել է քրեական գործ նշված դեպքով, նշանակվել է դատաբժշկական փորձաքննություն, կատարվում է քննություն։
Մահացածը Դալար գյուղի գյուղապետի եղբոր տղան է: