Ռուսաստանի արտգործնախարար Սերգեյ Լավրովը Reuters գործակալության օպերատորին «դեբիլ» է անվանել։ Դա տեղի է ունեցել դեկտեմբերի 9-ին Համբուրգում, որտեղ նախարարը մասնակցում էր ԵԱՀԿ ԱԳՆԽ հանդիպմանը, հայտնում է «Մեդուզան»։

Անցնելով միջանքով՝ Լավրովը դիմել է Reuters–ի օպերատորին՝ ասելով What do you want? («Ի՞նչ եք ուզում»)։ Իսկ հետո անմիջապես ռուսերեն հավելել է «դեբիլներ»։

Տեսագրությունը հրապարակել է ուկրաինական «Գրոմադյսկե» հեռուստաալիքը։

Ռուսաստանի ԱԳՆ պաշտոնական ներկայացուցիչ Մարիա Զախարովան «ՌԲԿ»-ին հայտնել է, որ Սերգեյ Լավրովը ոչ մեկին չի անպատվել։ «Նա օպերատորին հարցրել է, թե ինչ է նա ուզում, վերջինը ոչինչ չի պատասխանել ու շարունակել է նկարահանել, նախարարն էլ շարունակել է իր ճանապարհն ու ոչինչ չի ասել»,- բացատրել է Զախարովան։