Ավստրիան ԵԱՀԿ-ում իր նախագահության շրջանում կկենտրոնանա կառույցի երկրներում առկա հակամարտությունների լարվածության թուլացման վրա: Այս մասին Twitter-ի իր միկրոբլոգում գրել է Ավստրիայի ԱԳ նախարար եւ ԵԱՀԿ ապագա գործող նախագահ Սեբաստիան Կուրցը:
«2017 թվականին ԵԱՀԿ-ում Ավստրիայի նախագահությանն ընդառաջ. Մենք կկենտրոնանանք հակամարտություններում լարվածության նվազման, արմատականության դեմ պայքարի եւ վստահություն կառուցելու վրա»,-գրել է Կուրցը:
Ավելի վաղ NEWS.am-ը հայտնել էր, որ դեկտեմբերի 8-ին, Համբուրգում ընթացող ԵԱՀԿ անդամ երկրների ԱԳՆ ղեկավարների խորհրդի 23-րդ նիստում Սեբաստիան Կուրցը հայտարարել էր, որ Լեռնային Ղարաբաղի հակամարտությունը անհնար է լուծել ռազմական ճանապարհով. «ԵԱՀԿ-ն շատ կարեւոր դեր է խաղում այդ երկխոսության մեջ»:
Նշենք, որ 2017 թվականին ԵԱՀԿ նախագահությունը Գերմանիայից կանցնի Ավստրիային:
