Samsung-ն ԱՄՆ-ում հարկադիր կանջատի բոլոր Galaxy Note 7 սմարթֆոնները: Այս մասին գրում է ՌԻԱ Նովոստին՝ վկայակոչելով NBC News-ը:
Հեռուստաալիքի տվյալներով՝ ընկերությունը թարմացված ծրագրային ապահովում կթողարկի, որը տեղադրումից հետո կարգելափակի մարտկոցի լիցքավորման հնարավորությունը եւ սարքը կզրկի բջջային ցանցերին միանալու հնարավորությունից:
Նորացված ծրագրային ապահովումը կթողարկվի դեկտեմբերի 19-ին:
Հեռախոսների մարտկոցների հրդեհվելու մի քանի դեպքից հետո հոկտեմբերին Samsung Electronic-ը դադարեցրել է Galaxy Note 7 սմարթֆոնների արտադրությունը: Ընկերությունը համաշխարհային շուկային 2.5 մլն հեռախոս է հետ կանչել: