Երեւանի Ազատության հրապարակից այսօր` դեկտեմբերի 10-ին, մեկնարկել է երթ` ի աջակցություն «Սասնա ծռերի»:
NEWS.am-ի թղթակիցը հաղորդում է, որ երթը կազմակերպել է «Հիմնադիր խորհրդարանը»: Երթի մի քանի տասնյակ անդամները մայրաքաղաքի կենտրոնական փողոցներով քայլելով հասնելու են «Դատապարտյալների հիվանդանոց» քրեակատարողական հիմնարկ, որտեղ իրենց աջակցությունն են հայտնելու «Սասնա ծռերի» բուժվող անդամներին, այնուհետ վերադառնալու են կրկին Ազատության հրապարակ։
Երթի մասնակիցները բացականչում են «Սասնա ծռեր», իրենց հետ բերել են «Ազատենք հայրենիքը տականքներից», «Ես հավատում եմ իմ պայքարի ճշմարտացիությանը» գրությամբ պաստառներ, խմբի անդամների լուսանկարներ եւ դրոշակներ:
Երթին միացել է նաեւ Ալեք Ենիգոմշյանը:
Նշենք, որ այսօր Մարդու իրավունքների միջազգային օրն է: