ԵՄ արտաքին քաղաքականության հարցերի ծառայությունը (European Union External Action) հայտարարություն է տարածել Ադրբեջանում երիտասարդ ակտիվիստներ Ղիյաս Իբրահիմովին եւ Բայրամ Մամեդովին դատապարտելու կապակցությամբ, հայտնում է contact.az-ը:
ԵՄ հայտարարության մեջ ասվում է, որ ակտիվիստներին 10 տարով ազատազրկելու խիստ դատավճիռը եւ նրանց նկատմամբ անմարդկային վերաբերմունքի մասին հայտարարությունները հատկապես մտահոգիչ են: «Եվրամիությունը ուշադիր հետեւել է նրանց գործերին եւ մասնակցել է դատական նիստերին»,- ասված է հայտարարության մեջ:
Երկու ակտիվիստն էլ նախկինում դատապարտված չեն եղել եւ կալանավորվել են քաղաքական բնույթի գրաֆիտիի պատճառով: Նրանք խոստովանել են, որ գրաֆիտի են պատկերել, սակայն մերժել են թմրանյութերի հետ կապված մեղադրանքները:
ԵՄ-ն Ադրբեջանի կառավարությանը կոչ է արել արդար եւ թափանցիկ հետքննել այդ գործերը՝ երկրի ստանձնած միջազգային պարտականություններին համապատասխան:
