Նյու Յորքում ձերբակալվել է Ջասթին Մասլերը, որը նախկինում դատապարտվել է Իվանկա Թրամփին հետապնդելու համար: Այս մասին գրում է TMZ-ը:
Գաղտնի ծառայության աշխատակիցները տղամարդուն ձերբակալել են Trump Tower երկնաքերից ոչ հեռու, որտեղ ապրում եւ աշխատում է ԱՄՆ նորընտիր նախագահ Դոնալդ Թրամփը:
2012 թվականին Մասլերը 6 ամիս բանտում է անցկացրել գործարարի դստերը հետապնդելու համար: Անցյալ ամիս նա փախել է Նեւադայի հոգեբուժարանից եւ, TMZ-ի տվյալներով, անմիջապես Նյու Յորք ուղղվել: Այստեղ բնակվող Մասլերի եղբայրը Trump Tower-ից ոչ հեռու գտնվող հյուրանոցում նրա համար սենյակ է ամրագրել: