Երեւանի Ազատության հրապարակից այսօր` դեկտեմբերի 10-ին, մարդու իրավունքների պաշտպանության միջազգային օրվա կապակցությամբ մեկնարկած երթն ավարտվեց: «Հիմնադիր խորհրդարանի» կազմակեպրած երթի մասնակիցները Ազատության հրապարակից շարժվելով «Դատապարտյալների հիվանդանոց» քրեակատարողական հիմնարկ, իրենց աջակցությունն հայտնեցին այնտեղ գտնվող «Սասնա ծռերի» խմբի անդամներին, այնուհետեւ երթով կրկին վերադարձան Ազատության հրապարակ:
Երթի մասնակիցներն իրենց հետ բերել էին «Սասնա ծռեր», «Ազատենք հայրենիքը տականքներից» գրությամբ պաստառներ: