Թուրքական իշխանությունները Ստամբուլի Բեշիքթաշ շրջանում որոտացած պայթյունը, որի հետեւանքով 20 մարդ է տուժել, ահաբեկչություն են որակել։ Ադ մասին Twitter-ում գրել է տրանսպորտի նախարար Ահմեդ Արսլանը։
«Ես դատապարտում եմ ահաբեկչական գործողությունը Ստամբուլի Բեշիքթաշ շրջանում»,- գրել է Արսլանը՝ տուժածների շուտափույթ ապաքինման հույս հայտնելով։
Թուրքիայի ՆԳՆ ղեկավար Սուլեյման Սոյլուն հաղորդել է, թե ականապատված մեքենան կարող է լինել Ստամբուլում պայթյունի աղբյուրը։ «Ասում են՝ երկու պայթյուն է եղել։ Նշվում է, թե հատուկջոկատայիններով ավտոբուսի մոտ ականապատված մեքենա է պայթել»,- ասել է նա։
Միջադեպից հետո փոխհրաձգության ձայներ են լսվել։ Ականատեսների վկայությամբ, պայթյունները հզոր են եղել եւ լսվել են քաղաի այլ շրջաններում։