Հայաստանի Ընտրական օրենսգրքի շուրջ իշխանության, ընդդիմության եւ քաղաքացիական հասարակության միավորումն աննախադեպ է: Այս մասին այսօր՝ դեկտեմբերի 13-ին, լրագրողների հետ զրույցում հայտարարեց ԱԺ փոխխոսնակ Հերմինե Նաղդալյանը:
Նրա խոսքով՝ նպատակը ոչ միայն փաստաթղթի ստեղծումն է, այլեւ գործընթացը, որի դեպքում եւ քաղաքացիական հասարակությունը, եւ ամբողջ հանրությունը, բոլոր ընտրողները խորհրդարանական ընտրություններին կմասնակցեն առավելագույն վստահությամբ:
ԱԺ փոխխոսնակը քաղաքացիական հասարակությանը նաեւ կոչ արեց բոլոր հնարավորությունները գտնել գործընթացը շարունակելու համար: