News
Լրահոս
News
Ուրբաթ
Օգոստոս 14
USD
484.83
EUR
571.91
RUB
6.61
ME-USD
0.01
Տեսնել լրահոսը

Ադրբեջանում 2017-ին նավթի արդյունահանումը կկրճատվի օրական 35-42 հազար բարելով՝ ՕՊԵԿ երկրների ու մյուս արտադրողների հետ ձեռք բերված պայմանավորվածության համաձայն։

Trend -ը վկայակոչելով Էներգետիկայի նախարարությունը, հայտնում է, որ Ադրբեջանում 2017-ին նավթի միջին օրական արդյունահանումը, հաշվի առնելով արդյունահանման կրճատման մասին Վիեննայում ձեռք բերված պայմանավորվածությունները, կկազմի 800-807 հազար բարել, այն դեպքում, երբ ընթացիկ տարում այն կազմում է 842 հազար բարել։ Ադրբեջանի կառավարությունը 2017-ի համար կանխատեսում է նավթի արդյունահանում 39․8 մլն տոննայի մակարդակի վրա, ինչը 3․7 տոկոսով քիչ է 2016-ի ցուցանիշից։ Էներգետիկայի նախարարությունում նաեւ հայտնել են, որ գազի արդյունահանման ծավալների մասին կանխատեսումն անփոփոխ է մնացել՝ 28․39 մլրդ խորանարդ մետր, ինչը 2․9 տոկոսով քիչ է ընթացիկ տարվա ցուցանիշից։

2016-ի արդյունքներով Ադրբեջանում նավթի արդյունահանումը ակնկալվում է 41․3 մլն տոննայի մակարդակի վրա, գազի արդյունահանումը՝ 29․2 մլրդ խորանարդ մետրի (2015-ին 41․6 մլ տոննա ու 29․2 մլրդ խորանարդ մետր համապատասխանաբար)։

ՕՊԵԿ կազմում ընդգրկված 11 երկրները դեկտեմբերի 10-ին Վիեննայում կայացած հանդիպման ժամանակ համաձայնել են ընդհանուր արդյունահանումը կրճատել օրական 558 հազար բարելով։ Ադրբեջանի նախարար Նատիկ Ալիեւը այն ժամանակ հայտնել է, որ երկիրը պայմանավորվածությունների համաձայն ՝ 2017-ին արդյունահանումը կրճատելու է օրական 35 հազար բարելով։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը