Ռուսաստանի եւ Ճապոնիայի միջեւ խաղաղության պայմանագրի մասին դեռ վաղ է խոսել, դժվար ճանապարհ կա անցնելու, ասել է Ճապոնիայի վարչապետ Սինձո Աբեն Ռդ նախագահ Վլադիմիր Պուտինի հետ մամուլի ասուլիսի ավարտին։
«Այս անգամ մենք շատ մանրամասն քննարկել ենք այդ հարցը։ Խաղաղության պայմանագրի խնդիրն ու դրա լուծումը մեր անկեղծ ցանկությունն է։ Մենք կարողացել ենք այդ ցանկությունը բացահայտ ներկայացնել, սակայն դեռ վաղ է խոսել խնդրի լուծման մասին, երկար ճանապարհ կա անցնելու։ Եթե մենք չենք կարողացել լուծել այն 71 տարվա ընթացքում, մենք չենք կարող այն այդքան արագ լուծել հիմա, բայց պետք է նշենք խնդրի լուծման հեռանկարները»,– ասել է վարչապետը։
