Պաշտպանության նախկին նախարար Սեյրան Օհանյանը առաջիկայում հանդես կգա քաղաքականություն մտնելու մասին հայտարարությամբ։ Այս մասին այսօր՝ դեկտեմբերի 19-ին հրավիրված ասուլիսում հայտարարեց նախագահի նախկին ներկայացուցիչ Վիկտոր Դալլաքյանը։
«Իմ հրաժարականից հետո մենք բազմաթիվ հանդիպումներ ենք ունեցել Սեյրան Օհանյանի հետ, մենք Հայաստանի Հանրապետությունում ստեղծված իրավիճակը գնահատում ենք նույն ձեւով, նույն ձեւով ենք գնահատում նաեւ ՀՀ-ում ստեղծված իրավիճակից դուրս գալու ելքերը եւ ձեզ կարող եմ ասել՝ առաջիկա օրերին Սեյրան Օհանյանը հանդես կգա համապատասխան հայտարարությամբ եւ կհայտարարի իր մուտքը քաղաքականություն, եւ մենք համագործակցելու ենք Սեյրան Օհանյանի հետ»,-ասաց նա:
Վիկտոր Դալլաքյանը նշեց, որ ցանկացած կուսակցության համար պատիվ է Սեյրան Օհանյանի հետ համագործակցությունը. «Տեղյակ ենք իր ծրագրերից, քննարկում ենք միասին եւ պարբերաբար, առաջիկայում նա համապատասխան հայտարարությամբ հանդես կգա»։