Տրանսպորտի, կապի եւ տեղեկատվական տեխնոլոգիաների նախարարությունը շարունակում է աշխատել «Հյուսիս-Հարավ» նոր մայրուղու որակի ուղղությամբ: Այս մասին դեկտեմբերի 19-ին տարվա արդյունքներն ամփոփելիս լրագրողների հետ հանդիպմանը հայտարարեց տրանսպորտի, կապի եւ տեղեկատվական տեխնոլոգիաների նախարար Վահան Մարտիրոսյանը: Մասնավորապես՝ Երեւանից հարավ (Արտաշատ) եւ հյուսիս (Աշտարակ) հատվածներում 9 անցումներ եւ 1 կամուրջ է կառուցվում:
Նշենք, որ ճանապարհի արդեն շահագործման հանձնված հատվածներում բետոնե սալերի միջեւ կարերը կաուչուկով չեն լցոնվել, որի պատճառով երթեւեկելիս ցնցում է զգացվում: Նախկինում պաշտոնյաները հավաստիացնում էին, որ այս երկու տեղամասերը ծրագրվել է ամբողջությամբ բացել մինչեւ 2017-ի մայիս (ժամկետը մի քանի անգամ հետաձգվել է): Դեպի հյուսիս՝ Աշտարակից Թալին, այժմ ընդարձակում են ճանապարհային պաստառը եւ 15 կմ-անոց շրջանցող տեղամաս են կառուցում: Ճանապարհն սկսել են ընդարձակել նաեւ Թալին-Գյումրի տեղամասում: Մայրուղին պետք է 2 անցուղուց ընդարձակվի մինչեւ 4, իսկ ասֆալտե ծածկույթը փոխարինվի բետոնեով: Ցրտերի պատճառով բետոնի շարումը մինչեւ գարուն կանգնեցվել է:
Մինչև դեկտեմբերի 30-ը ստացեք գրավով ապահովված սպառողական վարկեր 18-19% տարեկան տոկոսադրույքով: |
Մայրուղու ամենահարավային հատվածում՝ Ագարակ (Իրանին սահմանակից)-Քաջարան, հունիսին հրապարակվել էր գնումների ընդհանուր ծանուցման մասին: Քաջարանից Սիսիան հատվածի համար ներդրումային ծրագիր է մշակվել: Ամենաերկար հատվածում՝ Սիսիանից Արտաշատ, առայժմ պատրաստի փաստաթղթեր չկան: