Քաղաքականությունը նախկին իշխանավորներին ձգում է: Այս մասին այսօր` դեկտեմբերի 20-ին, լրագրողների հետ հանդիպմանն ասաց ՀՀԿ փոխնախագահ Արմեն Աշոտյանը` անդրադառնալով ՀՀ պաշտպանության նախկին նախարար Սեյրան Օհանյանի այն հայտարարությանը, թե վերադառնում է ակտիվ քաղաքականություն եւ մասնակցելու է ընտրություններին:
«Մամուլը երկար եփեց այս թեման: Մամուլի գրած ձեւաչափերն այնքան արժանապատիվ չեն, որ գնահատակն տամ; Ունենալով հարգանք նրա անցած ճանապարհի հանդեպ, մեջբերեմ Պլատոնի խոսքը` Իմ ընկերն է, բայց ճշմարտությունն ավելի քաղցր է»,-ասաց նա:
Ավելի վաղ տեղեկացրել էինք, որ Սեյրան Օհանյանը հայտարարություն է տարածել, որում նշել է, որ մտնում է ակտիվ քաղաքականություն եւ մասնակցելու է առաջիկա ընտրական գործընթացներին: Ամենայն հավանականությամբ Սեյրան Օհանյանը ընտրություններին մասնակցելու է Վիկտոր Դալլաքյանի «Երրորդ Հանրապետություն» կուսակցության ցուցակով: