Թուրքիայում ոստիկանի կողմից սպանված ՌԴ դեսպան Անդրեյ Կառլովի մարմնից դատաբժշկական հանձնախումբը 9 փամփուշտ է հանել։
Թուրքական Milliyet–ի փոխանցմամբ՝ սպանված դեսպանի դիահերձման ժամանակ մարմնի վրա 11 անցք է հայտնաբերվել։ Նշվել է, որ մարմինը խոցել է 9 փամփուշտ, որից երկուսը կրկնակի անցք են բացել մարմնում։
Սպանությունն իրականացվել է թուրքական արտադրության Canik տիպի ատրճանակով։
Նշենք, որ դեկտեմբերի 19-ի երեկոյան Անկարայի ժամանակակից արվեստների կենտրոնում կազմակերպված ցուցահանդեսում ելույթի ժամանակ հարձակման հետեւանքով սպանվել է Անկարայում ՌԴ դեսպան Անդրեյ Կառլովը։ Սպանությունից հետո ոստիկանները սպանել են նաեւ Մեւլութ Մերթին։ Սպանությունն իրականացրած Մեւլութ Մերթը 2,5 տարի աշխատել է Անկարայի ոստիկանությունում։ Դեպքից հետո ձերբակալվել են 5 հոգի, այդ թվում մարդասպանի մայրը, հայրը, քույրն ու եւս երկու հոգի։