Թուրքիայում ՌԴ դեսպանին սպանելու գործի հետ կապված ձերբակալվել է սպանությունն իրականացրած ոստիկան Մեւլութ Մերթի քեռին։
Թուրքական Milliyet–ի փոխանցմամբ՝ ՌԴ դեսպանի սպանությունից հետո ձերբակալվել էր Մեւլութ Քուրթի հայրը, մայրը, քույրը եւ եւս երկու հոգի։ Նշվում է, ձերբակալվածներից մեկը մարդասպանի քեռին է, ում անունը դեռ չեն հայտնում։ Ըստ տեղեկությունների, Մեւլութ Մերթի քեռին եղել է գյուլենական դպրոցներից մեկի տնօրեն։ Հուլիսի 15–ի հեղաշրջման փորձից հետո նրան ձերբակալել էին, այնուհետ ստորագրությամբ ազատ արձակել։
Նշենք, որ դեկտեմբերի 19-ի երեկոյան Անկարայի ժամանակակից արվեստների կենտրոնում կազմակերպված ցուցահանդեսում ելույթի ժամանակ հարձակման հետեւանքով սպանվել է Անկարայում ՌԴ դեսպան Անդրեյ Կառլովը։ Սպանությունից հետո ոստիկանները սպանել են նաեւ Մեւլութ Մերթին։ Սպանությունն իրականացրած Մեւլութ Մերթը 2,5 տարի աշխատել է Անկարայի ոստիկանությունում։ Դեպքից հետո ձերբակալվել են 5 հոգի, այդ թվում մարդասպանի մայրը, հայրը, քույրն ու եւս երկու հոգի։