Ռուսաստանի մարդու իրավունքների հարցերով լիազորի գրասենյակը խնդրել է Լեւոն Հայրապետյանին տեղափոխել բուժհաստատություն։ Ես համարում եմ , որ մարդու կյանքը փրկվել է։ Այս մասին դեկտեմբերի 21-ին Երեւանի պետական համալսարանի ուսանողների հետ հանդիպման ժամանակ ասել է Ռուսաստանում մարդու իրավունքների հարցերով լիազոր Նատալյա Մոսկալկովան։
Նա հիշեցրել է, որ հայ բարերարին պահում էին Բուտիրյան բանտում, նա ուներ շաքարախտ ու վերջերս վիրահատության էր ենթարկվել։ «Եվ ազգականները շատ անհանգիստ էին, որ նա կարող է մահանալ։ Մենք չենք ապացույցներին չենք ուզում գնահատական տալ, մենք համարում ենք, որ մարդուն՝ լինի նա հանցագործ, մեղադրյալ, պետք է վերաբերվել ինչպես մարդու, որը ունի երկու գլխավոր արժեք՝ պատիվ ու արժանապատվություն, կյանք ու առողջություն։ Մենք խնդրել ենք ն րան տեղափոխել բուժհաստատություն ։Ես համարում եմ, որ փրկվել է մարդու կյանքը»,- ասել է Մոսկալկովան։ Հետո եղել է դատավարություն, շարունակեց նա, հետո Լեւոն Հայրապետյանին ուղարկել են պատիժը կրելու Մորդովիայում։ «Այնտեղ նույնպես խնդիրներ են եղել, այնտեղ նույնպես մենք միջամտել եք, որ պահպանենք մարդու կյանքը։ Եվ դա շատ կարեւոր գործիք է»,- հավելել է Ռուսաստանում մարդու իրավունքների հարցերով լիազորը։
Հիշեցնենք, որ բարերար Լեւոն Հայրապետյանը ավելի վաղ դատապարտվել է չորս տարվա ազատազրկման ընդհանուր ռեժիմի գաղութում՝ նախկին սենատոր Իգոր Իզմեստյեվի մորից 700 հազար դոլար խաբեությամբ կորզելու համար։