Հայաստանի ԱԻՆ-ում, այսօր՝ դեկտեմբերի 24-ին, ժամը 03.04-ին ահազանգ է ստացվել, որ Երեւանի Րաֆֆու փողոցում՝ մրգի շուկայի տարածքում, այրվում է մրգով բարձված բեռնատար ավտոմեքենա:
Դեպքի վայր է մեկնել երկու մարտական հաշվարկ:
Հրդեհը մեկուսացվել է ժամը 03.34-ին, մարվել՝ 04.12-ին:
Ամբողջությամբ այրվել է «Ford Transit» մակնիշի GO NK-930-NK համարանիշի (վարորդ՝ Լ. Ղ., Վրաստանի Հանրապետության քաղաքացի) ավտոմեքենան եւ մոտակայքում կայանված «Ford Transit» մակնիշի 34 SC 177 համարանիշի (վարորդի տվյալները պարզել չի հաջողվել) ավտոմեքենայի սրահը՝ մասնակի:
