Վրաստանի խորհրդարանի շենքի առաջ հոկտեմբերի 30-ին բողոքի ակցիա է անցկացվել, որի մասնակիցները պահանջել են ազատ արձակել քաղբանտարկյալներին եւ դադարեցնել բռնություններն այլախոհների նկատմամբ:
Ինչպես հաղորդում է vz.ru-ն, իրավապաշտպաններ Գելա Նիկոլաիշվիլին հայտարարել է, որ իշխանությունները շարունակում են քաղաքական դրդապատճառներով կալանավորումները: «Հենց այդպես կարելի է գնահատել վերջին օրերին տարբեր առիթներով ընդդիմադիր «Ժողովրդական ֆորումի» անդամներից մեկի` Զազա Չաքվատաձեի, ինչպես նաեւ երկրի նախկին օմբուդսմենի եղբայր, իսկ այժմ ընդդիմադիր «Վրացական կուսակցության» ղեկավար Վախթանգ Սուբելյանիի ձերբակալությունները»,- ասել է նա:
Իրավապաշտպանների խոսքով, երկրում կա մինչեւ 60 քաղբանտարկյալ, սակայն Վրաստանի իշխանությունները չեն ճանաչում երկրում քաղբանտարկյալների առկայությունը