Մեծ Բրիտանիան ողջունում է այն փաստը, որ Հայաստանի նոր ԸՕ-ն հիմնված է կառավարության, խորհրդարանի եւ քաղաքացիական հասարակության միջեւ հաստատված կոնսենսուսի վրա։ Այս մասին NEWS.am-ի հետ զրույցում ասել է Հայաստանում Միացյալ Թագավորության արտակարգ եւ լիազոր դեսպան Ջուդիթ Ֆարնուորթը։
«Տեղյակ եք, որ Բրիտանիան Գերմանիայի, ԱՄՆ-ի, ԵՄ-ի եւ UNDP-ի մեր գործընկերների հետ Հայաստանին օժանդակել է նոր Ընտրական օրենսգրքի իրականացման հարցում: Մենք դա շատ ենք կարեւորում: Ողջունում ենք այն փաստը, որ նոր ԸՕ-ն հիմնված է կառավարության, խորհրդարանի եւ քաղաքացիական հասարակության միջեւ հաստատված կոնսենսուսի վրա: Կարծում ենք, որ եթե այն արդյունավետ իրագործվի, ընտրությունների որակը եւ 2017-ի ընտրություններում հանրության վստահության մակարդակը բարձրացնելու կարեւոր միջոց կդառնա»,– ասել է դեսպանը։