News
Լրահոս
News
Կիրակի
Նոյեմբեր 18
Տեսնել լրահոսը

«Հաց բերող» Արթուր Սարգսյանին ազատել են կալանքից։ Այդ մասին Facebook-ում հայտնել է նրա փաստաբան Տիգրան Եգորյանը։  

«Նախատոնական լավ լուր․ քիչ առաջ կալանքից ազատ արձակվեց Արթուր Սարգսյանը, ով ժողովրդի մեջ հայտնի է որպես «Հաց բերող»»,- գրել է նա։

Դատախազության հաղորդագրության մեջ էլ նշվում է, թե Արթուր Սարգսյանի նկատմամբ ընտրված խափանման միջոց կալանավորումը փոփոխվել է քրեական գործի նախաքննության օրինականության նկատմամբ հսկողություն իրականացնող դատախազի կողմից: «Հիմք ընդունելով բժշկական կոնսիլիումի եզրակացությամբ Ա.Սարգսյանի մոտ ախտորոշված հիվանդությունը, որը նվազեցնում է նրա կողմից քննությունից խուսափելու, նոր հանցանք կատարելու հավանականությունը, վերջինիս նկատմամբ որպես խափանման միջոց է ընտրվել չհեռանալու մասին ստորագրությունը»:

Հուլիսի 26-ին Արթուր Սարգսյանն անձնական մեքենան բեռնել էր սննդամթերքով, ճեղքել ոստիկանական պատնեշն ու կյանքը վտանգելով հաց է հասցրել ՊՊԾ գնդում գտնվող զինված խմբին։

Նշենք, որ Արթուր Սարգսյանը առողջական լուրջ խնդիրներ ունի, նրա փաստաբանները բազմիցս դիմել են պատկան մարմիններին՝ Արթուր Սարգսյանին ազատելու միջնորդությամբ, իսկ որոշ ժամանակ առաջ էլ հայց էին ներկայացրել ՄԻԵԴ։ Փաստաբանները նաեւ նշել էին, թե  Արթուր Սարգսյանի նկատմամբ «Նուբարաշեն» ՔԿՀ վարչակազմի կողմից անմարդկային վերաբերմունք է դրսեւորվում։

Հիշեցնենք, որ սկզբում Արթուր Սարգսյանը մեղադրվում էր զինված խմբի կազմում նախնական համաձայնության շրջանակներում հուլիսի 17-ին ՊՊԾ գնդի տարածք մտնելու մեջ: Հետագայում նրա մեղադրանքը փոխվեց: Նա այժմ մեղադրվում է «Սասնա ծռերին» օժանդակելու մեջ:

!
Այս նյութը հասանելի է նաև   Русский
Տպել
Կարդացեք նաև
Ամբողջը
ՊՊԾ գնդի գրավումը հարձակում էր ՀՀ վրա. Շարմազանովը՝ Օսիպյանի հայտարարության մասին
ՀՀԿ մամուլի խոսնակ Էդուարդ Շարմազանովը դրական է գնահատել ՊՊԾ գունդը գրաված անձանց մասին ՀՀ ոստիկանապետ Վալերի Օսիպյանի հայտարարությունը...
Ինչու՞ համաներումը Նորքի «Զինված խմբի» վրա չի տարածվի. պարզաբանում է նախարարը
Պետք է տարբերակել իշխանության յուրացումը իշխանափոխությունից, քանի դեռ չկա վերջնական դատական ակտ, մենք չգիտենք թե դա ինչով է ավարտվելու…
Համաներման արդյունքում ՊՊԾ գնդի գործով տուժողների իրավունքները չեն անտեսվի. Զեյնալյան
Զեյնալյանը նշեց, որ համաներման նախագծում փորձել են հավասարակշռություն ապահովել…
Արմեն Բիլյանը եւ Սմբատ Բարսեղյանն ազատ են լինելու. Ժիրայր Սեֆիլյան
Չի դադարում Սասնա Ծռերի, հատկապես՝ Արմեն Բիլյանի եւ Սմբատ Բարսեղյանի, հասցեին վայրահաչը, թե նրանք օրենք են խախտել եւ նույնիսկ մարդասպան են…
ՊՊԾ գնդի գրավման ժամանակ ոստիկանների սպանության համար մեղավորները չեն կարող ազատվել. նախկին ոստիկանապետ
Եթե նրանք ազատվեն, մենք ընդմիշտ կկորցնենք վստահությունը մի ամբողջ համակարգի՝ ոստիկանության նկատմամբ…
Պարզ է, որ համաներումը չի կարող տարածվել նրանց վրա. Վարուժան Ավետիսյանը՝ «Սասնա ծռերի»՝ կալանքի տակ գտնվողների մասին
Նրանք ապստամբներ են, իրենց ապստամբության իրավունքն են իրացրել եւ այլ տարբերակով են ազատվելու կալանքից, ոչ համաներմամբ…
Partner news