Facebook-ը ստիպված կլինի Գերմանիայում առաջին անգամ դատարանի առաջ պատասխանել համացանցում օգտատերերի կողմից կեղծ հաղորդագրությունների տարածման համար, հայտնում է NTV-ն:

Հայցը ներկայացրել է Վյուրցբուրգի փաստաբանական բյուրոներից մեկը: Այն քաղաքի շրջանային դատարանը կքննի փետրվարի 6-ին:

Facebook-ը պարտավոր է իր էջերից հեռացնել օրենսդրությանը հակասող բովանդակությամբ գրառումները, եթե այդ մասին տեղեկանա: Փորձագետները, սակայն, նշում են, որ ընկերությունը դա չի անում եւ հաճախ չի արձագանքում բազմաթիվ խնդրանքներին: Գերմանիայում ընկերությունը քանիցս քննադատվել է կասկածելի գրառումների տարածման հետ կապված անգործության համար: