Ոստիկանությունը ձերբակալել է այն տղամարդուն, որը Ալաբամայի համալսարանական ավանում մարդկանց էր պատանդառել։ Պատանդներին ոչինչ չի սպառնում։ Իրավապահ մամինների աշխատակիցները մտել էին շենք տեղի ժամանակով 10։45-ին, հայտնում է BBC–ն։
Տասկալուսա քաաղքում, որտեղ գտնվում է համալսարանը, մի քանի փողոց է փակվել, դեպքի վայրում են մի քանի տասնյակ ոստիկաններ ու ՀԴԲ գործակալներ, նաեւ զրահամեքենա ու ուղղաթիռ, հայտնում են ամերիկյան լրատվամիջոցները։
«Սի Բի էս» հեռուստաալիքը հայտնում է, որ անհայտ հանցագործը մտել էր ավանում գտնվող բանկի շենք առավոտյան 8։30-ին, երբ այն դեռ փակ էր։ Դեռ հայտնի չէ, արդյոք հանցագործը հանցակիցներ էլ է ունեցել։
Նաեւ դեռ պարզ չէ, թե քանի մարդ էր պատանդառվել։ Պատանդների մեջ բանկի հաճախորդներ չեն եղել։
Վարկային հաստատության շենքը Ալաբամայի համալսարանի կամպուսի մոտ է գտնվում։ Բացի դրանից այնտեղ նաեւ մի քանի ռեստորաններ ու գրասենյակներ կան։