Ամերիկյան հայտնի «Գահերի խաղը» սերիալի ութերորդ՝ եզրափակիչ սեզոնի նկարահանումները կսկսվեն սեպտեմբերին: Ըստ Newsru-ի՝ այս մասին լրագրողներին պատմել է Դավոս Սիվորթի դերակատարը՝ բրիտանացի դերասան Լիամ Քանինգեմը:

Դերասանի խոսքով՝ առայժմ սերիալի հեղինակները զբաղված են յոթերորդ սեզոնի նկարահանումներով, սակայն այդ աշխատանքներն առաջիկայում կավարտվեն: Սեպտեմբերից էլ կմեկնարկեն նախագծի եզրափակիչ 6 սերիաների նկարահանումները: Հանրահայտ սերիալի վերջին սեզոնի պրեմիերան կայանալու է 2018 թվականին:

«Գահերի խաղի» յոթերորդ սեզոնին երկրպագուները կարող են սպասել 2017 թվականի ամռանը: Այն կազմված է յոթ մասից: