News
Լրահոս
News
Շաբաթ
Օգոստոս 19
Տեսնել լրահոսը

Հայաստանում արտադրված գինին եւ կոնյակը պետք է իսկության պատշաճ ստուգում անցնեն։ Այս մասին NEWS.am–ի հետ զրույցում ասել է գյուղատնտեսության նախկին փոխնախարար Գառնիկ Պետրոսյանը։
Նրա խոսքով՝ հաճախ նույն պիտակով, բայց երկու տարբեր խանութներից գնած գինիները որակով տարբերվում են։ Նույնը վերաբերում է կոնյակին։ Նշենք, որ հանրապետություն ներկրվում է ավելի շատ կոնյակի սպիրտ։ Իսկ դրա հիմքից ստացվող խմիչքը ներկայացվում է որպես հայկական կոնյակ։ «Այդ պատճառով այսօր ռուսական շուկայում սկսում են չգնահատել եւ անգամ արհամարհել մեր որոշ ապրանքները։ Իսկ նշանակում է, որ մենք կարող ենք կորցնել շուկայում մեր դիրքերը։ Ցավոք, ոչ միշտ են արտադրողներն անկախ փորձաքննություն անցկացնում բաղադրիչների իսկությունը ստուգելու համար»,– ասել է Պետրոսյանը։

Դա այն դեպքում, երբ գործարանները ավելի շատ են վաստակում, քան գյուղացին։ Մասնագիտական հաշվարկները ցույց են տալիս, որ հիմա 1 կգ խաղողի ինքնարժեքը կազմում է 100 դրամ, եւ այն էլ հեկտարից 20 տոննա բերք ստանալու դեպքում։ «Անգամ շատ հաջող բերքի դեպքում 1 կգ–ից գյուղացին 30 դրամ է ստանում։ Երեւանի  կոնյակի գործարանը գոնե ինչ–որ կերպ սահմանափակում է մյուսներին՝ համեմատաբար բարձր մթերման գին առաջարկելով։ Հակառակ դեպքում ուզում են գինն իջեցնել 70-80 դրամ։  Այս տարի 2 խոշոր մթերող գինն իջեցրին 150-ից մինչեւ 130 դրամ, իսկ մյուսներն իջեցրին մինչեւ 80 դրամ։ Ինքներդ կարող եք հաշվել, թե որքան է մնում գյուղացուն։ Մյուս կողմից 130 դրամով խաղող գնելով՝ գործարանները գինին մանրածախ վաճառում են 1500 դրամ եւ ավելի գնով։ Թեպետ 1 կգ խաղողից միջինում ստացվում է 700 գ գինու նյութ, հենց այնքան, որքան պետք է 0.7- տոկոսանոց մեկ շշի համար։ Ես հասկանում եմ, որ վերամշակման ծախսեր կան, բայց նման բարձր գին…

Եվ դրանից հետո գործարաններն ասում են, որ խաղողի ինքնարժեը պետք է ավելի ցածր լինի։ Իրոք, այդպես պիտի լինի, բայց դրա համար ինտենսիվ տեխնոլոգիաներ են պետք, մեխանիզացիայի մակարդակը բարձրացնել։ Դրա համար լուրջ ներդրումներ են պետք։ Իսկ հասանելի՞ է դա գյուղացուն։ Գյուղացու եւ նրա աշխատանքի նկատմամբ պետության վերաբերմունքը չի փոխվում»,– նշեց նախկին փոխնախարարը։

!
Այս նյութը հասանելի է նաև   English and Русский
Տպել
Կարդացեք նաև
Ամբողջ
Գողթի եւ Ջրային տնտեսության պետկոմիտեի միջեւ ձեռք բերված «ջենտլմենական» համաձայնությունը խախտվել է (ֆոտո)
Երեւի մտածում էին, որ դրանով կփարատեն Գողթ համայնքի բնակիչների մտահոգությունը եւ իրենց ծրագիրը կհասցնեն ավարտին...
Որտեղից գյուղացիները կարող են ձեռքբերել աշնանացան ցորենի բարձրորակ սերմեր. Գյուղնախ-ի հայտարարությունը
Սերմնանյութի ձեռքբերման համար հողօգտագործողները կարող են դիմել վերոնշյալ կազմակերպություններին...
2017-ին Հայաստանում խաղողի բերքը կկրճատվի 30-35 տոկոսով․ Խաղող արտադրողների միություն
Նրա խոսքով՝ խաղողագործության ոլորտում դեռ շատ խնդիրներ կան․․
Երեւանի Մալաթիա-Սեբաստիա վարչական շրջանում բացվեց մայրաքաղաքում 20-րդ «Նոր Զովք» սուպերմարկետը (ֆոտոռեպորտաժ)
Մինչև տարեվերջ Նոր Զովքը ևս երեք սուպերմարկետ է բացելու...
Արարատյան դաշտի մի մասը վարակված է ֆիլոքսերայով. փորձագետ
Դրա հետ մեկտեղ՝ փորձագետն անհանգստություն է հայտնել ոչ այնքան վարակված տարածքների չափերով, որքան այն բանով, որ ֆիլոսքերան շարունակվում է տարածվել...
Վրաց-ռուսական պատերազմն ազդել է հայկական կոնյակի արտահանման վրա. փորձագետ
Նրանք հայկական կոնյակը կապում են Ռուսաստանի հետ, դրա հետեւանքով այն ստիպված է վրացական կոնյակի հետ գործնականում անհավասար մրցակցության մեջ մտնել…
Ամենաշատ
Partner news