ՀՀ ԱԳՆ–ն դեռեւս ձեռնպահ է մնում ԵԱՀԿ երեւանյան գրասենյակի շուրջ ստեղծված իրավիճակի մասին մեկնաբանություններից։
Լրատվամիջոցների փոխանցմամբ՝ գրասենյակի գործունեությունը ժամանակավորապես «օդից կախված» է՝ հաշվի առնելով ԵԱՀԿ երեւանյան գրասենյակի մանդատի երկարաձգման շուրջ կոնսենսուսի բացակայությունը։ Համանման իրավիճակ է նաեւ Ուզբեկստանում եւ Ղրղզստանում ԵԱՀԿ գրասենյակների հարցում։
Ըստ գործող պրակտիկայի՝ ազգային գրասենյակների գործունեության մանդատը երկարաձգվում է ամեն տարի ԵԱՀԿ անդամ երկրների կոնսենսուսի հիման վրա։
Հիշեցնենք, որ մինչեւ վերջերս ԵԱՀԿ երեւանյան գրասենյակը տարածաշրջանում այդ կազմակերպության միակ լիարժեք գրասենյակն էր։