Սառը պատերազմի ավարտից հետո ամերիկյան արտադրության զրահատեխնիկայի ամենախոշոր խմբաքանակի մատակարարումը Եվրոպա շարունակվում է։ Հինգշաբթի Լեհաստան է ժամանել տանկերի, զրահատեխնիկայի եւ ինքնագնաց հրետանու առաջին խմբաքանակը, հայտնում է BBC–ն։
Տեխնիկայի հետ միասին Լեհաստան է ժամանել 3 հազար ամերիկացի զինծառայող, որոնք զբաղվելու են դրա սպասարկմամբ։ Ակնկալվում է, որ նրանք 9 ամիս կանցկացնեն այդտեղ, որից հետո նրանց կփոխարինի այլ խումբ։
Ամերիկյան զրահատեխնիկան Եվրոպա է տեղափոխվում Գերմանիայի Բրեմերհաֆեն նավահանգստով։