News
Լրահոս
News
Երեքշաբթի
Հուլիս 25
Տեսնել լրահոսը

Հայաստանի եւ Ռուսաստանի դատախազական համակարգերի միջեւ ձեւավորվել է համագործակցության բարձր մակարդակ: Այս մասին, այսօր՝ հունվարի 12-ին, Ռուսաստանի Դաշնության դատախազության կազմավորման 295-ամյակին նվիրված պաշտոնական միջոցառումների շրջանակում Ռուսաստանի Դաշնության գլխավոր դատախազ Յուրի Չայկայի հետ հանդիպման ժամանակ նշել է Հայաստանի Հանրապետության գլխավոր դատախազ Արթուր Դավթյանը:

ՀՀ դատախազությունից NEWS.am-ին հայտնում են, որ ՀՀ գլխավոր դատախազ Արթուր Դավթյանը շնորհավորել է ՌԴ իր գործընկերոջը ՌԴ դատախազության կազմավորման 295-ամյակի առթիվ, ընդգծել բարեկամ երկրների դատախազական համակարգերի միջեւ արդեն իսկ ձեւավորված սերտ համագործակցության բարձր մակարդակը՝ վստահություն հայտնելով, որ հետագայում եւս այն կլինի շարունակական եւ արդյունավետ:

Յուրի Չայկան եւս շնորհավորել է Արթուր Դավթյանին ՀՀ գլխավոր դատախազի բարձր ու պատասխանատու պաշտոնը ստանձնելու կապակցությամբ՝ նշելով, որ իրավական ոլորտում համագործակցության ամրապնդումը կնպաստի երկու երկրների միջեւ հարաբերությունների առավել սերտացմանը:

Երկու երկրների դատախազները ընդգծել են, որ նմանատիպ ձեւաչափով հանդիպումները կամրապնդեն փոխըմբռնումը եւ կնպաստեն օրենքի գերակայության սկզբունքի առավել արդյունավետ կիրառմանը:

Հանդիպմանը քննարկվել է դատաիրավական ոլորտին վերաբերող հարցերի լայն շրջանակ, պայմանավորվածություն է ձեռք բերվել կոնկրետ ուղղություններով համագործակցության առավել ակտիվացման վերաբերյալ:

Տպել
Կարդացեք նաև
Ամբողջ
Պետք է տնտեսապես ամուր լինենք, որ նման պայմաններ չթելադրեն. լեզվաբանը` ռուսերենին կարգավիճակ տալու մասին
Ռուս որոշ պաշտոնյաներ արդեն երկար ժամանակ են նման առաջարկությամբ հանդես գալիս…
Չեղյալ հայտարարել հայ-ռուսական գազային պայմանագիրը. «Ժառանգության» հայտարարությունը
Իրավական եւ գործնական բոլոր քայլերն իրականացնի էներգետիկայի եւ մյուս բոլոր ոլորտներում ներդրումներ ապահովելու եւ պետության անկախության, ինքնիշխանության ամրապնդման համար...
Արա Պապյան․ Հայաստանը վճարում է ռուսական զենքի դիմաց՝ իր տարածքում պահելով ռուսական ռազմակայան
Մենք ՄԱԿ-ում քվեարկում ենք ռուսական դիրքորոշման օգտին այս կամ այն հարցերի շուրջ, մենք կորցնում ենք հարյուր միլիոնավոր դոլարներ․․․
Արմեն Աշոտյան․ Ադրբեջանին զենքի վաճառքի հարցով Ռուսաստանի փաստարկները քննադատության չեն դիմանում
Ռուսաստանի կողմից Ադրբեջանին զենքի վաճառքը,հավելել է նա, ամենաբարդ ու խնդրահարույց հարցերից է հայ- ռուսական հարաբերություններում․․․
Իսկանդարյան․ Հայ- ռուսական խմբավորման ստեղծումը երկկողմանի հարաբերությունների ձեւավորման գործընթացի մի մասն է
Փորձագետի խոսքով, հայկական ու ռուսական զինված ուժերի միջեւ նման փոխգործակցությունը նորություն չէ․․․
«ТВОЕ» ապրանքանիշը երիտասարդ, եռանդուն, կենսուրախ մարդկանց համար է. ընկերության գլխավոր տնօրեն (ֆոտո)
Սակայն տարիքային այնպիսի կարգ չկա, որը չի կարողանա այստեղ հարմար բան գտնել…
Ամենաշատ
Partner news