Հունվարի 11-ին Ֆուտբոլի Հայաստանի ազգային հավաքականի հարձակվող Արթուր Սարկիսովը տեղափոխվեց Կրասնոյարսկի «Ենիսեյ»: Պայմանագիրը նախատեսված է մինչեւ 2018 թվականի մայիսը: Օրեր առաջ նա հեռացել էր Սարանսկի «Մորդովիայից»: NEWS.am-ի թղթակից Վերա Մարտիրոսյանի հետ զրույցում ֆուտբոլիստը պատմեց, թե ինչպես հայտնվեց «Ենիսեյում»:
Արթուր, մամուլում լուրեր էին շրջանառվում, թե դու պատրաստվում էիր տեղափոխվել ես «ԲՄԱ- Էներգիա»: Կա՞ր նման բան:
Ես չգիտեմ, թե որտեղից էին հայտնվել այն նորությունները, որ ես տեղափոխվում եմ Խաբարովսկ: Իրականանում, այդ տարբերակը կար, ես կարող էի տեղափոխվել այնտեղ, բայց չստացվեց:
Երեւի Ալեքսանդր Գրիգորյանն էր հրավիրել բայց նա տեղափոխվեց «Անժի»:
Այո, ես խոսել էի Ալեքսանդր Գրիգորյանի հետ: Նա նույնպես ինձ ցանկանում էր տեսնել «ԲՄԱ- Էներգիայում»: Այժմ ես Կրասնորայսկի «Ենիսեյի» ֆուտբոլիստ եմ ու շատ եմ ցանկանում իրականացնել այն բոլոր նպատակները, որոնք մենք դրել ենք թիմի ու երկրպագուների առջեւ:
Ռուսաստանից դուրս տարբերակներ կայի՞ն:
Ես ունեի այլ տարբերակ եւս՝ Ռուսաստանից դուրս, բայց ցանկանում էի մնալ այստեղ:
Ինչո՞ւ հենց «Ենիսեյ»:
«Ենիսեյի»: ղեկավարությունը դուրս եկավ ինձ վրա ու ասացին, որ ցանկանում են, որ ես խաղամ իրենց մոտ:
Կասես՝ ինչո՞ւ հեռացար «Մորդովիայից»:
Ցանկանում եմ ասել, որ ինձ շատ դուր եկավ աշխատել Սարանսկում: Ինձ բախտ վիճակվեց խաղալ Չերիշեւի կարգի մասնագետի հետ: Բայց սա ֆուտբոլ է, եւ ֆուտբոլիստների լինում է, որ փոխում են իրենց թիմերը:
Ավելացնենք, որ «Ենիսեյում» հանդես է գալիս նաեւ Արթուր Մալոյանը, ով Արթուր Սարկիոսվի հետ խաղացել է նաեւ «Մորդովիայում»:
Վերա Մարտիրոսյան