ՀՀ տարածքային կառավարման եւ զարգացման նախարարությունը կփակի Պետական միգրացիոն ծառայության համակարգչային կենտրոնը։ Այս մասին համապատասխան որոշումն ընդունվել է հունվարի 12-ին կառավարության նիստում։

Կենտրոնը զբաղվում է Ադրբեջանական ԽՍՀ–ից փախստականների եւ Հայաստանում քաղաքական ապաստան խնդրող անձնական գործերի թվայնացմամբ։ Նախարար Դավիթ Լոքյանի խոսքով՝ կենտրոնի աշխատակիցները կշարունակեն իրենց աշխատանքը Միգրացիոն ծառայության ընդհանուր կազմում։ Դրա շնորհիվ՝ 2017–ին կտնտեսեն 9.2 մլն դրամ։ Եթե թվայնացումն ավարտվի ավելի շուտ, ապա աշխատակիցներին ավելի շուտ կազատեն, այսինքն՝ ավելի շատ կտնտեսեն։