News
Լրահոս
News
Երեքշաբթի
Փետրվար 28
Տեսնել լրահոսը

ՀայաստանիԿԸՀ-ն անդրադարձել է «Ժառանգություն» կուսակցության անդամ Հովսեփ Խուրշուդյանի հայտարարությանը առ այն, որ ԿԸՀ-ն մերժել է վերապատրաստել «Ժառանգություն» կուսակցության ներկայացրած ընտրական հանձնաժողովի 120 անդամներին՝ դրանով խոչընդոտելով կուսակցությանը:

ԿԸՀ հայտարարությունում նշվում է, որ այդ հայտարարությունը «որեւէ աղերս չունի իրականության հետ»:

ԿԸՀ-ի արձագանքում նաեւ ասվում է.

«Կենտրոնական ընտրական հանձնաժողովը տեղեկացնում է, որ 2016թ. հանրապետության ողջ տարածքում կազմակերպվել եւ անցկացվել են տեղամասային ընտրական հանձնաժողովի անդամության թեկնածուների մասնագիտական դասընթացներ: Դասընթացներին մասնակցելու համար ներկայացվել է ընդհանուր թվով 48515 քաղաքացիների վերաբերյալ հայտ: «Ժառանգություն» կուսակցության կողմից ներկայացվել է 2696 քաղաքացիների վերաբերյալ հայտ, որոնցից դասընթացներին մասնակցել են 1800 եւ 1721-ը ստացել են որակավորման վկայականներ:

Ինչ վերաբերում է լրացուցիչ ստուգարքի կազմակերպմանը, ապա Կենտրոնական ընտրական հանձնաժողովի նախաձեռնությամբ դեռեւս 2016թ-ի նոյեմբերի 28–ին տեղի է ունեցել հանդիպում խորհրդարանական եւ արտախորհրդարանական կուսակցությունների ներկայացուցիչների հետ, որի ժամանակ քննարկվել է նաեւ լրացուցիչ ստուգարքներ անցկացնելու հարցը: Արդյունքում Կենտրոնական ընտրական հանձնաժողովը հայտնել է պատրաստակամություն անցկացնելու լրացուցիչ ստուգարքներ խորհրդարանական եւ արտախորհրդարանական կուսակցությունների ներկայացրած հայտերի հիման վրա:

Խախտելով խորհրդարանական յուրաքանչյուր կուսակցության կողմից 500 քաղաքացու վերաբերյալ հայտ ներկայացնելու պայմանավորվածությունը՝ «Ժառանգություն» կուսակցությունը ներկայացրել է հայտ 670 քաղաքացիների վերաբերյալ, եւ անգամ այդ դեպքում որեւէ խոչընդոտ չի հարուցվել, եւ առաջիկայում Կենտրոնական ընտրական հանձնաժողովը կազմակերպելու է ստուգարքներ ինչպես այդ 670 քաղաքացիների, այնպես էլ բոլոր մյուս կուսակցությունների ներկայացրած անձանց համար»:

!
Այս նյութը հասանելի է նաև   Русский
Տպել
Կարդացեք նաև
Ամբողջ
«Ծառուկյան» դաշինքի համամասնական ցուցակն՝ ամբողջությամբ
«Ծառուկյան» դաշինքի պատգամավորների թեկնածուների համամասնական ցուցակը բաղկացած է 188 հոգուց...
«Առավոտ». Ամեն ժամանակ իր քաղաքական ռադիկալներն ունի. հիմա հերթը «Օհանյան-Րաֆֆի-Օսկանյան» դաշինքինն է
Բոլոր թվարկած դեպքերում էլ դա միայն քարոզչություն չէ, դա նաեւ վստահություն է, որ ողջ քաղաքական պրոցեսը պտտվում է քո շուրջ, եւ բոլորը զբաղված են բացառապես քեզանով…
«Ժամանակ». Ծառուկյանի դավաճան փեսան. Կարապետ Գուլոյանը ՀՀԿ-ի համար է աշխատում. պատասխանը չի ուշացել
Կարապետ Գուլոյանի դավաճանությունից հետո Ծառուկյանը ցուցակից հեռացրել է նաեւ իր խնամու՝ Մուրադ Գուլոյանի անունը...
«Ժողովուրդ». Հրազդանի քաղաքապետն աջակցելու է ընտրակեղծարար Սամվել Սանամյանին. պարտք ունի տալու
Սամվել Սանամյանին եմ ես աջակցելու. Արամ Հարությունյանին էլ ես շատ հարգում եմ, բայց ես էս տարածքի շտաբի պետն եմ։ Ինքը ինձ աջակցել է...
«Ժամանակ». Ծեծկռտուք Բազմասեր Առաքելյանի եւ «Ծառուկյան» դաշինքի թեկնածուի միջեւ. խառնվել է Ծառուկյանը
Մեր տեղեկություններով՝ նախկին ԲՀԿ-ական Բազմասեր Առաքելյանին հովանավորում է ՀՀ ոստիկանապետ Վլադիմիր Գասպարյանը։ Նրա կողքին են նաեւ մարզի քրեականները...
«ՀԺ». Կարեն Կարապետյանը հրաժարական չի տա. նա նախագահի հետ պայքարի մեջ մտնելու նշաններ է ցույց տալիս
Վարչապետի վերջին շրջանի գործունեությունը ցույց է տալիս, որ նա որոշել է այնուամենայնիվ վաստակել այլընտրանքի կարգավիճակը...
Ամենաշատ
Partner news