News
Լրահոս
News
Հինգշաբթի
Հոկտեմբեր 19
Տեսնել լրահոսը

Երեւանի Ավան եւ Նոր Նորք վարչական շրջանների ընդհանուր իրավասության դատարանում այսօր՝ հունվարի 12-ին, մեկնարկել է «Վանոյի Արտակ» անվամբ հայտնի Արտակ Գալստյանի գործով դատավարությունը: Դատական նիստին մասնակցում է «Նուբարաշեն» ՔԿՀ-ի կալանավոր, գործով ամբաստանյալ Արտակ Գալստյանը:

Արտակ Գալստյանի շահերի պաշտպան Սուսաննա Սարգսյանը դատարանին միջնորդություն ներկայացրեց քրեական գործով նախաքննության մարմնի կողմից հարցաքննության ժամանակ վկաներ Մհեր Փարվանյանի եւ Տիգրան Պետրոսյանի կողմից տրված ցուցմունքներն անթույլատրելի ճանաչել, որոնց վկայությունների հիման վերաբերյալ էլ հիմնավորվել է Արտակ Գալստյանի` Գոռ Հովհաննիսյանին կաշառք տալու դրդելը: Ամբաստանյալի շահերի պաշտպանները նաեւ միջնորդություն ներկայացրին գործով որոշ գաղտնալսումների կրիչի կրկնօրինակը պաշտպանական կողմին տրամադրելու վերաբերյալ, որը դատարանի կողմից բավարարվեց:

Սուսաննա Սարգսյանը նաեւ նշեց, որ պաշտպանական  կողմի համար պարզ չէ Արտակ Գալստյանին առաջադրված մեղադրանքը, որն էլ ազդում է իրենց պաշտպանության իրավունքը լիարժեք  իրականցնելու վրա:

Փաստաբանի ներկայացրած միջնորդությունների վերաբերյալ դատարանն իր դիրքորոշումը կհայտնի ընդմիջումից հետո:

Ըստ մեղադրական եզրակացության` Արտակ Գալստյանը խաբեության եւ վստահությունը չարաշահելու եղանակով խոշոր չափի գույք հափշտակելու նպատակով իր ծանոթ՝ շորթում կատարելու կասկածանքով ձեռբակալված Անի Հովհաննիսյանի եղբորը դրդել է իր միջոցով 5000 ԱՄՆ դոլար կաշառք տալ՝ իբր իրավասու պաշտոնատար անձին, սակայն իր կամքից անկախ հանգամանքներով հանցանքներն ավարտին չեն հասցրել, քանի որ Գոռ Հովհաննիսյանը հրաժարվել է վճարել պահանջված գումարը:

Արտակ Գալստյանին մեղադրանք է առաջադրվել Քրեական օրենսգրքի 35-312-րդ հոդվածի 3-րդ մասի 1-ին կետով, 34-178-րդ հոդվածի 2-րդ մասի 2-րդ կետով: Նա կալանավորված է:

Հիշեցնենք, որ ՀՀ հատուկ քննչական ծառայությունը հայտարարություն էր տարածել, որ Արտակ Գալստյանը ձերբակալվել է 2015թ. աշնանը analitik.am կայքի տնօրենի հետ, նախնական համաձայնությամբ, խմբով, քաղաքացուց առանձնապես խոշոր չափի շորթում կատարելու կասկածանքով: Նախաքննությամբ ձեռք բերված տվյալներով՝ Ա. Գալստյանը տնօրինում եւ կազմակերպում է ինչպես «analitik.am», այնպես էլ՝ «crimenews.am», «armcrimenews.com» լրատվական կայքերի գործունեությունը:

Տպել
Կարդացեք նաև
Ամբողջ
Արարատի մարզի Այնթապի գյուղապետի մեքենայի ռուսական համարանիշերը առգրավվել են (ֆոտո)
Կատարված ուսումնասիրությունների արդյունքում՝ նշված օ369вт199рус համարանիշերով երթեւեկող «Մերսեդես» մակնիշի ավտոմոբիլը հայտնաբերվել է եւ վարորդը…
Երեւանում ընտանիքի անդամները թունավորվել են շմոլ գազից
Մեկնած օպերատիվ խումբը պարզել է, որ նրանք հոկտեմբերի 17-ին, ժամը 23.00-ին, գտնվելով տանը, թունավորվել են շմոլ գազից...
«Սասունցի Դավիթ» կայարանում, երկաթուղու գծերի վրա կասկածելի իր է հայտնաբերվել. ահազանգ ԱԻՆ-ում
Դեպքի վայր է մեկնել մեկ մարտական հաշվարկ և Ճգնաժամային կառավարման ազգային կենտրոնի օպերատիվ խումբը...
Խոշոր հրդեհ Գեղարքունիքում. կահույքի արտադրամասը վերածվել է մոխրակույտի. 4 տուժածներից 2-ն անչափահաս են (ֆոտո)
Այրվել է 45-ամյա Աշոտ Ս.-ին պատկանող կահույքի արտադրամասի...
Պաշտպանը պնդում է՝ գողության մեջ մեղադրվող երիտասարդներից բռնությամբ են ինքնախոստովանական ցուցմունք կորզել
Մինչ այդ՝ բերման է ենթարկվել եւ ոստիկանության բաժնում 2 օր՝ համապատասխանաբար 4 ժամ եւ 3 ժամ պահվել է Զ. Նասլյանի եղբայրը, որպեսզի Զ. Նասլյանը ներկայանա ոստիկանություն…
Բեյրութում մաքսանենգերից առգրավել են Սալվադոր Դալիի կտավը
Գողերը փորձել էին նկարը վաճառել՝ գողանալով այն Լիբանանի հարեւան պետություններից մեկից…
Ամենաշատ
Ֆոտոռեպորտաժներ
Partner news