«Հյուսիս-Հարավ» ճանապարհից լավ տպավորություններ ունեմ: Այս մասին հունվարի 12-ին՝ կառավարության նիստից հետո լրագրողներին ասաց տրանսպորտի, կապի եւ տեղեկատվական տեխնոլոգիաների նախարար Վահան Մարտիրոսյանը: «Գուցե առանձին տեղամասեր այնքան էլ որակյալ չեն ստացվում, բայց հետո դրանք կրկին վերակառուցվում են: Ցավոք, 2016-ին +5-ից ցածր (այդ դեպքում չի կարելի բետոնապատում կատարել) ջերմաստիճան շուտ եղավ, քան սպասվում էր, եւ հարկադրված էինք շինարարական աշխատանքները դադարեցնել արդեն հոկտեմբերի վերջից»,- հավելեց նա:
Նշենք, որ «Հյուսիս-Հարավ» մայրուղու առաջին հատվածը (Երեւանից հարավ՝ Արտաշատ, եւ հյուսիս՝ Աշտարակ) հանդիսավորապես բացվել է դեռեւս 2015 թվականի դեկտեմբերի վերջին: Ավելի ուշ տրանսպորտի նոր նախարար Վահան Մարտիրոսյանը հայտարարել է, որ դրանք ամբողջովին կբացվեն մինչեւ 2017-ի մայիս: Ըստ որում՝ նախկինում հայտարարվում էր, որ ամբողջ ճանապարհը, անհամեմատ ավելի երկար (Իրանի սահմանից մինչեւ Վրաստանի սահման) կբացվի 2019 թվականին: