News
Լրահոս
News
Հինգշաբթի
Նոյեմբեր 23
Տեսնել լրահոսը

«Կոկա-Կոլա Հելլենիկ»-ը պատրաստ է նոր ներդրումային ծրագրեր իրականացնել Հայաստանում: Այս մասին, այսօր՝ հունվարի 12-ին, ՀՀ վարչապետ Կարեն Կարապետյանի հետ հանդիպման ժամանակ նշել է «Կոկա-Կոլա Հելլենիկ» ընկերության տարածաշրջանային տնօրեն Քիթ Սանդերսը:

Կառավարությունից NEWS.am-ին հայտնում են, որ վարչապետը կարեւորել է «Կոկա-Կոլա Հելլենիկ»-ի գործունեությունը մեր երկրում եւ պատրաստակամություն հայտնել քննարկել ընկերության առաջիկա ծրագրերը, հուզող հարցերն ու խնդիրները:

Քիթ Սանդերսն ընդգծել է, որ գիտեն բիզնես համայնքի նկատմամբ կառավարության առանձնահատուկ վերաբերմունքի մասին եւ ավելացրել, որ «Կոկա-Կոլա Հելլենիկ»-ը մեծ նշանակություն է տալիս Հայաստանում ծավալող  գործունեությանը:

Սանդերսը տեղեկացրել է, որ պատրաստվում են մեր երկրում իրականացնել նոր ներդրումային ծրագրեր, քանի որ դրա համար կան նշանակալի հնարավորություններ, հատկապես այն պարագայում, որ ի դեմս կառավարության՝ ունեն բիզնեսին աջակցող գործընկեր: «Կոկա-Կոլա Հելլենիկ»-ի տարածաշրջանային տնօրենի խոսքով՝ իրենց ընկերությունը պատրաստ է նաեւ իր գործունեությամբ արտաքին ներդրողներին Հայաստանը ներկայացնել որպես բիզնեսի համար ցանկալի հանգրվան եւ հավելել, որ ընկերության սոցիալական եւ ուսումնական բնույթի ծրագրերը եւս կրելու են շարունակական բնույթ:

Վարչապետ Կարապետյանը ողջունել է «Կոկա-Կոլա Հելլենիկ»-ի՝ ՀՀ-ում գործունեությունն ընդլայնելու նախաձեռնությունը եւ նշել, որ կառավարությունը պատրաստ է օժանդակություն ցուցաբերել դրանց իրականացմանը:   

Զրուցակիցներն անդրադարձել են նաեւ բիզնես դաշտի բարելավմանն առնչվող օրենսդրական նախաձեռնություններին եւ հակամենաշնորհային քաղաքականության հետ կապված հարցերի:

!
Այս նյութը հասանելի է նաև   English and Русский
Տպել
Կարդացեք նաև
Ամբողջ
«Տաշիրի» հետաքրքրությունների մեջ Հայաստանում հիդրոէլեկտրակայանների շինարարությունն է
«Տաշիր» ընկերությունների խումբը չի քննարկում Հայաստանում նոր ատոմակայանի շինարարության մեջ...
Դոլարի փոխարժեքը մի փոքր աճել է. եվրոն թանկացել է 1,4 դրամով
Նոյեմբերի 22-ին «ՆԱՍԴԱՔ ՕԷՄԷՔՍ ԱՐՄԵՆԻԱ» ԲԲԸ-ում դոլարի առքուվաճառք տեղի չի ունեցել...
Հունվարի 1-ից ջուրը կթանկանա 11,41 դրամով. ՀԾԿՀ-ն որոշումը կայացրել է
Քննարկելով վերը նշված հարցը՝ հանձնաժողովը որոշել է խմելու ջրի մատակարարման և ջրահեռացման (կեղտաջրերի մաքրման) մանրածախ ծառայությունների մատուցման գումարային սակագինը…
«Հրապարակ». Սերժ Սարգսյանը «խառնվել է» ԲՀԿ-«Առինջ մոլ»-ՊԵԿ դեբատին. «ոտքդ հետ քաշիր գազից»
Եվ կողմերի միջեւ համաձայնություն է կայացել, ՊԵԿ-ը խոստացել է «վայրագությունների» չդիմել, իսկ Գագիկ Ծառուկյանն էլ...
Հոկտեմբեր. Հայաստանի տնտեսության ոչ միանշանակ արդյունքները
Երկնիշ աճը գրեթե ավանդական է դարձել հայրենական արդյունաբերության համար...
Մարդիկ ուզում են միայն վատը տեսնեն, առաջընթաց կա. Արմեն Ռուստամյանը բյուջեի մասին
Քաղաքացու գրպանը լցնելու հիմքեր պետք է ստեղծվի, որը էսօր չկա, էդ հիմքերը ստեղծվում են ընթացքում....
Ամենաշատ
Partner news