News
Տեսնել լրահոսը

ՀՀ ԱՆ քրեակատարողական հիմնարկներում եւ մարմիններում հասարակական վերահսկողություն իրականացնող հասարակական դիտորդների Խմբի անդամները 2016 թվականի դեկտեմբերի 13-ին ՀՀ ԱՆ «Նուբարաշեն» ՔԿՀ այցելության ժամանակ, ի թիվս այլ խցերի, ուսումնասիրել են ՔԿՀ-ի ստորին հարկում գտնվող խցերից մեկի պայմանները։

ՀՀ ԱՆ քրեակատարողական հիմնարկներում եւ մարմիններում հասարակական վերահսկողություն իրականացնող հասարակական դիտորդների Խմբի տարածած հայտարարության մեջ նաեւ ասվում է.

«Դիտորդների Խումբը թիվ N խցում արձանագրել են սանիտարահիգիենիկ պայմանների անմխիթար վիճակ, մասնավորապես՝ անզեն աչքով նկատելի էին բազմաթիվ խավարասերներ, որոնք մեծաքանակ խմբերով գտնվում էին եւ՛ առաստաղի, եւ՛ պատերի, եւ՛ սնունդ (հաց) պարունակող տուփերում:

Բացի միջատներից, առկա էին նաեւ այլ խնդիրներ՝ խցի օդի խոնավությունը ակնհայտորեն բարձր էր, օդափոխություն չէր կատարվում, քանի որ պատուհանը բացելիս դրսից ջուր էր լցվում խցի` գետնից ցածր մակարդակի վրա լինելու պատճառով: Խցի պատերի վրա խոնավությունից գոյացել էր բորբոս։ Անկողնու պարագաները նույնպես խոնավ էին։ Պատուհանի դիրքով եւ խցի կիսանկուղային լինելու արդյուքնում բավարար չէր նաեւ խցի լուսավորությունը։ Բացի այդ, խցի անմիջապես հարեւանությամբ արձանագրվել է կեղտաջրերի արտահոսք, որի արդյունքում ՔԿՀ ստորին հատվածում մշտապես առկա կեղտաջրերի հոտը դարձել էր չափազանց ուժեղ։

Ընդհանուր առմամբ, խցի պայմանները չափազանց անմխիթար էին, ըստ դիտորդների՝ նման պայմաններում ազատությունից զրկված անձանց պահելը, համակցության մեջ գնահատելով,  հավասարազոր է անմարդկային վերաբերմունքի։ Դիտորդների Խումբը 2016 թվականի դեկտեմբերի 16-ին հրատապ հաշվետվություն է ուղարկել ՀՀ արդարադատության նախարարություն առաջարկելով հրատապ քայլեր ձեռնարկել թիվ 3 խցում անմարդկային պայմաններում գտնվող անձանց պահման պայմանները բարելավելու ուղղությամբ՝ կա՛մ անհապաղ տեղափոխելով այդ անձանց այլ ՔԿՀ-ներ, կամ “Նուբարաշեն” ՔԿՀ-ում այլ խուց։ Բացի այդ, հաշվի առնելով խցի ընդհանուր վիճակը, առաջարկվել է այդ խուցն այլեւս չբնակեցնել:

2017 թվականի հունվարի 12-ի դրությամբ դիտորդների Խումբը դեռեւս չի ստացել ՀՀ արդարադատության նախարարության պատասխանը բարձրաձայնված խնդրի վերաբերյալ, մինչդեռ hրատապ հաշվետվության կապակցությամբ մեկնաբանությունները տրվում են երեք օրվա ընթացքում:

Տպել
Կարդացեք նաև
Ամբողջ
Կոնգոյում 40 ոստիկանի են գլխատել
Զինյալները սպանել են ոստիկաններին եւ առեւանգել նրանց զենքն ու տրանսպորտային միջոցները...
Հոնկոնգում 18 մարդ է տուժել շարժասանդուղքի խոտանի պատճառով
Շուրջ 40 մետր երկարությամբ շարժասանդուղքը հանկարծակի մոտ երկու անգամ մեծացրել է արագությունը...
Խոզի դիմակներով զինված ավազակները հարձակվել են Rolex խանութի վրա
Ոստիկանությունը հայտնում է առնվազն երեք կասկածյալի մասին, որոնք կողոպտել են խաղատան շենքում գտնվող էլիտար ժամացույցների խանութը…
ԱՄՆ-ում սխալի հետեւանքով 16 տարի բանտարկված 2 տղամարդու 3 մլն դոլարի փոխհատուցում կվճարեն
Փոխհատուցում կվճարվի Ռոբերտ Հոնդորին եւ Ռենդի Ռեշին, որոնց ամերիկյան արդարադատությունը 1990-ին բանտարկության է դատապարտել Փորթիջի շրջանում 31 տարեկան կնոջ սպանության համար…
ԱԻ նախարարի հրամանով կիրականացվի Նոր Գեղիում պայթյունի պատճառների փորձաքննություն
Մինչ օրենքով սահմանաված ժամկետում պայթյունի պատճառների ի հայտ բերելու տեխնիկական անաչառ ու բազմակողմանի քննության ավարտը…
Չինաստանում ՋԷԿ-ի հարթակի փլուզման հետեւանքով 9 մարդ է զոհվել
Վթարի ենթադրյալ մեղավորները ձերբակալված են…
Ամենաշատ
Partner news