Աստանայում Սիրիայի ճգնաժամի կարգավորման հարցով հանդիպումը տեղի կունենա հունվարի 23-ին: ՏԱՍՍ-ի փոխանցմամբ՝ այս մասին հայտարարել է Ռուսաստանի ԱԳ նախարարության պաշտոնական ներկայացուցիչ Մարիա Զախարովան:
«Լիահույս ենք, որ Ատանայում հանդիպումը խաղաղության ճանապարհին նոր ուղենիշ կդառնա եւ կխթանի բոլոր կողմերի կառուցողական աշխատանքը՝ Ժնեւում քաղաքական գործընթացի վերականգնման համար»,- ասել է Զախարովան: