Մոսկվան պատրաստ է Վաշինգթոնի հետ հարաբերությունների կարգավորմանը, հայտարարել է Ռուսաստանի ԱԳ նախարարության պաշտոնական ներկայացուցիչ Մարիա Զախարովան, փոխանցում է «ՌԻԱ Նովոստի»-ն:
«Մենք դրան պատրաստ ենք: Ըստ էության, ինչպես եւ Կանադայի հետ, մենք պատրաստ ենք նորմալ երկխոսության եւ՛ լավացմանը, եւ՛ վերականգնմանը: Մենք բաց ենք եւ դրան պատրաստ ենք: Դա այս կամ այն երկրի նկատմամբ մեր վերաբերմունքի հարցը չէ, դա մեր բազային արտաքին քաղաքականության սկզբունքի հարցն է. մենք բաց ենք եւ երկխոսությանը պատրաստ ենք, չնայած դժվարություններին եւ շատ խնդիրնեդրի վերաբերյալ տարբեր հայացքներին»,- ասել է նա:
Զախարովան նաեւ նշել է, որ Ռուսաստանը լավատեսորեն է գնահատում ԱՄՆ նորընտիր նախագահ Դոնալդ Թրամփի վարչակազմից սպասումները: