ԿԻպրոսի մասին բանակցությունները կարող են դարակազմիկ իրադարձություն դառնալ, բայց ՄԱԿ-ում չեն փնտրում արագ լուծումներ ու հրաշքների չեն սպասում։ Այս մասին ասել է ՄԱԿ գլխավոր քարտուղար Անտոնիու Գութերիշը Ժնեւում, որտեղ կղզու միավորման մասին բանակցություններ են ընթանում ԿԻպրոսի ու Հյուսիսային Կիպրոսի չճանաչված թուրքական հանրապետության առաջնորդների միջեւ։ Այսօր նրանց են միացել նաեւ Մեծ Բրիտանիայի, Հունաստանի, Թուրքիայի ու ԵՄ-ի ներկայացուցիչները։
ՄԱԿ ղեկավարը ասել է, որ Ժնեւում «բաց ու կառուցողական» երկխոսություն է ընթանում։ ՀԻմա պետք է լուծեն ամենաբարդ հարցերը։ «Մենք պետք է գործիքներ ստեղծենք, որոնք թույլ կտան համաձայնագրի կնքման դեպքում երաշխավորել Կիպրոսի թե թուրքական, թե հունական համայնքի անվտանգությունը»։
Գութերիշը բարձր է գնահատել առաջնորդներ Նիկոս Անաստասիադիսի ու Մուստաֆա Ակինջիի գործունեությունը ու ասել, որ եթե ՄԱԿ-ում «Օսկար» տային, ապա գլխավոր դերակատարման համար մրցանակը բաժին կհասներ նրանց, իսկ ՄԱԿ-ը հավանաբար կարժանանար «Օսկարի» երկրորդ պլանի դերի համար
