Ֆիլիպինների նախագահ Ռոդրիգո Դուտերտեն մտադիր է ԱՄՆ նոր նախագահ Դոնալդ Թրամփի օրոք համագործակցել ԱՄՆ–ի հետ եւ ջանքեր գործադրել միջազգային իրավունքի նորմերին համապատասխան՝ Հարավչինական ծովի խնդրի լուծման համար։ Նա այդ մասին ասել է Ճապոնիայի վարչապետ Սինձո Աբեի հետ բանակցությունների ժամանակ, փոխանցում է ՏԱՍՍ–ը։
Ճապոնիայի ԱԳՆ–ից հայտնում են, որ բանակցությունների ընթացքում Դուտերտեն նշել է ԱՄՆ–ի հետ հարաբերությունների կարեւորությունը եւ նշել, որ մտադիր է շարունակել նրա հետ համագործակցությունը։ Հանդիպման ժամանակ Դուտերտեն նշել է, որ մտադիր է անձամբ մասնակցել Հարավչինական ծովի խնդիրը միջազգային նորմերի հիման վրա լուծելու գործընթացին։
