Եթե ինչ-որ կազմակերպություններ ցանկանում են Վրաստանի գազատարի 25 տոկոսը ձեռք բերել, թող գնեն: Այս մասին հունվարի 13-ին մամուլի ասուլիսի ժամանակ ասաց վարչապետ Կարեն Կարապետյանը: Նրա հավաստիացմամբ՝ դրանից երկրի էներգետիկ անվտանգությունն ամենեւին չի տուժի: Հակառակը՝ Հայաստանում այն ավելի բարձր է, քան եվրոպական շատ երկրներում:
«Արդյոք մենք պե՞տք է աշխատենք անվտանգության ուղղությամբ: Իհարկե: Բայց այս պահին սպառնալիք չկա: Նույնիսկ եթե նրանք (Ադրբեջանի պետական նավթային ընկերությունը – խմբ.) ցանկանան այդ 25 տոկոսը գնել, ոչ մի սպառնալիք չկա: Դա վերահսկիչ փաթեթը չէ: Իսկ գազատարի վթար կարող է լինել ցանկացած դեպքում: Բայց մեր տներում մշտապես գազ կլինի: 90-ականներից հետո ոչ մի դեպք չի եղել, որ այլ կերպ լինի: Այնպես որ, մի անհանգստացեք: Ամեն ինչ լավ կլինի»,- ասաց Կարապետյանը: Արտակարգ իրավիճակի դեպքում գազի կրկնակի ուղի ունենալու համար Հայաստանը շարունակում է քննարկել Իրանի եւ Թուրքմենստանի հետ տարբեր հնարավորությունները, հավելեց նա:
