Ֆրանսիայի վերաքննիչ դատարանի որոշման մեջ նշված է, որ «համացանցում ընկերությունը չի կարող իրավաբանական հետեւանքներ ունենալ, քանի որ «ընկերների» ցուցակում մարդու առկայության փաստը, չի նշանակում նրա հետ իսկական ընկերություն անել, հայտնում է AFP-ն:
Վերաքննիչ դատարանը քննում էր փարիզաբնակ փաստաբանի բողոքը: Նա վիճարկում էր իր գործընկերների անկողմնակալությունը, որոնք որպես կարգապահական խորհրդի անդամներ քննել են իր գործը: Կոլեգիայի անդամները եւ հայցվորը մեկ կամ մի քանի սոցցանցերում ընկերներ էին:
Սակայն վերաքննիչ դատարանը համացանցում ընկերության հիման վրա նրանց կողմնակալության եզրակացության չի եկել: Դատարանն ընդգծել է, որ համացանցը զուտ հաղորդակցության միջոց է ընդհանուր, տվյալ դեպքում մասնագիտական հետաքրքրություն ունեցող մարդկանց միջեւ: