Պետք չէ հարցնել, թե Կառավարությունում ում է կարելի կախել կամ նստեցնել։ Այս մասին հունվարի 13-ին՝ մամուլի ասուլիսի ժամանակ, ասել է ՀՀ վարչապետ Կարեն Կարապետյանը՝ պատասխանելով, թե ինչով է պայմանավորված 2016-ին բյուջեում թերագանձումը։
Նրա վստահեցմամբ կառավարությունը պետք է ուսումնասիրի պատճառները, որպեսզի հասկանա, թե որոնք են եղել օբյեկտիվ, իսկ որոնք են կախված եղել անբարենպաստ մակրոտնտեսական իրավիճակից կամ ներքին պատճառներից, իսկ որոնք են եղել սուբյեկտիվ, այսինքն՝ կառավարման սխալ հաշվարկ։ «Բայց միթե ձեզ համար կարեւոր է, թե ում կպատժեն։ Բոլորին կնստեցնենք, բոլորին կկախենք… դա՞ է ձեզ ամենից շատ մտահոգում։ Եկեք ավելի առարկայական մտածենք։ Գլխավորը սխալները գտնելն է ու դրանք ուղղելը»,– ասաց Կարապետյանը։