Կառավարության ղեկավարի պաշտոնում աշխատելը ժամանակ չի թողնում անձնական կյանքի համար։ Այս մասին հունվարի 13-ին՝ մամուլի ասուլիսի ժամանակ, ասել է ՀՀ վարչապետ Կարեն Կարապետյանը։
Նրա խոսքով՝ անգամ ամենախոշոր մասնավոր ընկերության ղեկավարությունից պետական ծառայությունը տարբերվում է նրանով, որ այստեղ ամեն հարց առաջնային է։ Աշխատանքը շատ է, այն գամում է աշխատանքային սեղանին։ «Դա կյանք է առանց անձնական կյանքի։ Ցավոք, ես հիմա 2 ռեժիմ ունեմ։ Կամ այստեղ եմ՝ Կառավարությունում, կամ տեղաշորի մեջ փորձում եմ քնել»,– վստահեցրեց Կարապետյանը։